જય શ્રી કૃષ્ણ આજ આપણે sabudana ni khichdi – સાબુદાણાની ખીચડી બનાવવાની રીત શીખીશું, વ્રત ઉપવાસમાં બનાવવામાં આવતી સાબુદાણા ખીચડી ઘણી વખત ચીપકી જતી હોય છે ને જમતી વખતે પણ દાંત માં ચોટતા હોય છે તો આજ આપણે દાંતમાં ચોંટે નહિ અને એક એક દાણો અલગ અલગ થાય એવી sabudana khichdi શીખીએ.
સાબુદાણાની ખીચડી માટે જરૂરી સામગ્રી
- મોટા વાળા સાબુદાણા 1 કપ
- સીંગદાણા / શેકેલ સીંગદાણા ¾ કપ
- તેલ 2 + 2-3 ચમચી
- જીરું 1 ચમચી
- લીલા મરચા સુધારેલા 3-4
- મીઠા લીમડાના પાન 8-10
- બાફેલા બટાકા 1-2
- મરી પાઉડર ½ ચમચી
- લીલા ધાણા સુધારેલા 4-5 ચમચી
- લીંબુનો રસ 1-2 ચમચી
- ખાંડ 1 ચમચી ( ઓપ્શનલ છે )
- ફરાળી મીઠું સ્વાદ મુજબ
- પાણી જરૂર મુજબ
સાબુદાણાની ખીચડી ની રીત | sabudana ni khichdi Recipe
સાબુદાણાની ખીચડી બનાવવા સૌપ્રથમ એક વાસણમાં સાફ કરેલ સાબુદાણા લ્યો
એને બે ત્રણ પાણીથી બરોબર ધોઇ લ્યો ત્યાર બાદ પોણો કપ પાણી નાખી ને ઢાંકી ને પાંચ છ કલાક પલાળી લ્યો
સાથે કુકર માં બે ત્રણ બટાકા ને પણ બાફી લ્યો અને બટાકા બાફી લીધા બાદ છોલી ને કટકા કરી લ્યો
હવે ગેસ પર એક કડાઈમાં બે ચમચી તેલ ગરમ કરવા મૂકો
તેલ ગરમ થાય એટલે ધીમા તાપે સીંગદાણા ને શેકી લ્યો
ને સીંગદાણા બરોબર શેકાઈ જાય એટલે એક વાસણમાં કાઢી
અડધા ને મિક્સર જારમાં નાખી પીસી ને પાઉડર બનાવી લ્યો
ને અડધા ને અધ કચરા પીસી લ્યો ને એક બાજુ મૂકો
હવે એજ કડાઈમાં બીજા બે ત્રણ ચમચી તેલ ગરમ કરવા મૂકવું
તેલ ગરમ થાય એટલે તેમાં બાફેલા બટાકા ના કટકા નાખી બે મિનિટ બરોબર શેકી લ્યો
બટાકા શેકાઈ જાય એટલે શેકેલ બટાકા ને એક બાજુ કરી
બાકી ના તેલ માં જીરું નાખી શેકો જીરું બરોબર શેકાઈ જાય એટલે એમાં મીઠા લીમડાના પાન અને લીલા મરચા સુધારેલા નાખી મિક્સ કરી લ્યો
મરચા થોડા શેકાઈ જાય એટલે બટાકા સાથે બરોબર મિક્સ કરી લ્યો
અને ત્યાર બાદ એમાં પલાળેલા સાબુદાણા અને પીસી ને પાઉડર કરેલ સીંગદાણા પાઉડર નાખી
બરોબર મિક્સ કરી લ્યો ત્યાર બાદ એમાં સ્વાદ મુજબ ફરાળી મીઠું અને મરી પાઉડર નાખી બરોબર મિક્સ કરી લ્યો અને હલાવતા રહો
સાબુદાણા બરોબર ટ્રાન્સફ્રન્ટ થાય ત્યાં સુધી ચડાવો
સાબુદાણા બરોબર ચડી જાય એટલે એમાં અધ કચરા સીંગદાણા,
લીંબુનો રસ, ખાંડ અને લીલા મરચા સુધારેલા નાખી બરોબર મિક્સ કરી લ્યો
ને ગેસ બંધ કરી ગરમ ગરમ સર્વ કરો સાબુદાણા ખીચડી
sabudana khichdi recipe in gujarati notes
- અહી અમે લાલ મરચાનો પાઉડર કે ધાણા જીરું પાઉડર કે હળદર નાખેલ નથી પણ જો તમે ખાતા હો તો નાખી શકો છો
- જો સાબુદાણા પલળવા માં પાણી વધારે રહી જય તો ચારણી માં નાખી અથવા સાફ કોટન ના કપડા પર ફેલાવી કોરા કરી નાખવા.
આવી જ મજેદાર રેસીપી છે ખીચું ની તમે નીચે મુકેલી ભૂરી લિંક થી વાંચી શકો છો
https://supersaheliya.com/wp-admin/post.php?post=2145&action=edit
જો તમને આ રેસીપી ગમી હોય તો એક વાર ચોક્કસ બનાવજો અને આ પોસ્ટ તમે ફેમિલી અને ફ્રેંડ્સ માં શેર કરજો.
લસણ નું અથાણું ની રીત જોવા નીચે ની ભૂરી લિંક દબાવો
https://supersaheliya.com/wp-admin/post.php?post=2159&action=edit
મસ્ત મસ્ત 👌😋
thankyou